Hmun hnihah invaw hlum

Darngulliana (49), Kelsih khua chuan Pa-thian-ni zan khan a nupui Vanlalhnemi (30) a vaw hlum. Pathianni zanah vêk Sangtea (26 vel), Sihhmui khua chuan an
ṭhenawma riak mi pahnih a vua a, pakhat zawk, Zokaia (34) a thi.

Thu dawn danin, Darngulliana hian a nupui Vanlalhnemi hi zan dar 7:45 velah iron rod bungin a vua a, a hliam tuar loin a thi. Dar-ngulliana hi police-in an man a, thu zawhfiah atan an la kawl.

Sihhmui khawtlang hruaitute hnen aṭanga thu dawn danin, Zokaia hi mahnia awm a ni a; a ṭhian-pa Lalramlawma (24) nen an riak dun a, zan dar 11:30 velah Zokaia leh Lalram-lawma te chu Sangtea hian thingin a vua a ni.

Zokaia leh Lalram-lawma chu Aizawl Civil Hospital panpui an ni a, Zokaia hi nimin chawhma dar 11 velah a thi a, Lal-ramlawma chu ICU-ah enkawl mek a ni. An
ṭhenawm nuin an thâwm a hria a, mi dang pun-in Zokaia inah an kal a, Sangtea chu police-in an man nghal.

Sihhmui khawtlang hruaitute chuan, Sangtea hi mahni awm, eng emaw chánga rilru lama harsatna nei ṭhin a nih thu Vanglaini an hrilh.