Tui tla pahnihte ruang hmu ta

July 30, 2016-a Langkaih luia tla, Chalbuanga s/o Chunglura, Zawlnuam Vengpui ruang chu July 31 tlai khan hmuh a ni a; July 29-a Serluia tla nia hriat Lalawmpuia (49), Kawnpui Hmarveng ruang pawh nimin zing khan hmuh a ni.

Thu dawn danin, Chalbuanga hi July 30 tlaia Langkaih lui hleuh kai a tum laia chesualin, tuilian-in a la a; Inrinni zan leh Pathianni khan Zawlnuam leh an khaw ṭhenawma mite'n an zawn hnuah Pathianni tlai dar 2:30 khan a ruang an hmu a ni.

Kawnpui Hmarveng pa, Lalawmpuia chu July 29 zan khan Serlui tuikhuahah a tla nia hriat a ni a, a tlakna lai tak hriat ni lo mah se, July 30 aṭang-
in khawtlangin an zawng a; nimin zing dar 6:30 vel khan hnim karah a ruang hmuh a ni.