MP-in AR sawn chungchang sawi

Parliament session neih mekah September 23, Nilaini tlai khan Lok Sabha MP C Lalrosanga chuan, Aizawl khawpui chhung aṭanga Assam Rifles sawn chhuah chungchang a sawi.

C Lalrosanga chuan, Assam Rifles-te chu Aizawl khawpui chhung aṭangin an awmna tura buatsaih Zokhawsangah sawn chhuah vat a ṭul thu a sawi a; AR insawn chhuahna tura Ministry of Home Affairs-in February 19, 2019-a hriattirna a chhuah tawh chu kengkawh thuai turin sorkar laipui a ngen. Lok Sabha MP sawi danin, Zokhaw­sanga Assam Rifles awmna tur in 327 sak zinga 289 chu AR hnenah hlan a ni tawh a, an awmna tur panna kawng pawh siam zawh a ni tawh.