Governor-in hmun hrang hrang a tlawh

Mizoram Governor mawhphurhna la mektu Indra Sena Reddy Nallu chuan September 30, Thawhṭanni khan Fakawna Zokhua leh Aibawk khua a tlawh a; nimin khan Krishi Vigyan Kendra, Aizawl leh College of Veterinary Science & Animal Husbandry, Selesih a tlawh bawk.

Larsap hian Aibawkah hian BDO pisa, damdawi-in (primary health centre, biak-in leh sikul ṭhenkhat a tlawh a, thawktute'n an dinhmun an lo hrilh. Governor pualin BDO pisa conference hall-ah inkhawm tawi buatsaih a ni a, VC member te, YMA leh kohhran bakah, khawtlang hruaitute dangte an tel.

Nimina Krishi Vigyan Kendra a tlawhnaah Indra Sena Reddy Nallu chuan Exhibition Centre te, buh, thlai leh thei hring, pickle, soil testing laboratory, vermi-compost unit, sangha dil leh greenhouse-te a tlawh a; KVK hotute chu Mizoram loneitute tan hmasawnna rahbi tuksak ngei turin a fuih.

Governor chuan Central Agricultural University hnuaia CVSAH, Selesihah farm a thlawh a; bawng, vawk, kêl leh beram vulhna unit hrang hrang leh Livestock Production Management-te a fang a ni.