Ruihhlo leh HIV/AIDS inzirtir

CodNerc chuan an project pakhat, How Are You (HAY) hnuaiah September 30, Thawhṭanni khan Edenthar Venga BSUP Hall-ah ruihhlo leh HIV/AIDS chungchang inzirtirna hun an buatsaih a; Edenthar Venga YMA, MUP leh MHIP leh BSUP Welfare Society hruaitute bakah, ṭhalaite an tel.

Inzirtirnaah hian Mizoram State Commis-sion for Protection of Child Rights member Darṭhakunga chu resource person a ni a; ruihhloin mihring taksa leh nun a khawih pawi theih dan te, ram leh khawtlang nun a chhe zawnga a nghawng dante leh a hlauhawm dante a sawi. Zawhna leh chhanna hun hman a ni bawk.