MP Vena'n Union Minister a kâwm

Rajya Sabha MP K Vanlalvena chuan nimin khan Union Tribal Affairs minister Arjun Munda chu a pisaah a kâwm a, India danpuia tribal list chungchang sawi-puiin, memorandum a pe nghal.

K Vanlalvena chuan, hmarchhak state hrang hranga tribal chengte list chu India danpuiah a inchawhpawlh nasat thu sawiin, "Meghalaya leh Mizoram tribal list chu danglamna awm lo leh inang chiah a ni. Assam leh Manipur tribal list-te nen a inchawhchawrawi nasa hle. State kan nih hnu kum 30 chuang liam hnuah pawh Assam state-a kan awm laia tribal list min la hmantir reng hi a dik lo a, siamṭhat a ṭul a ni," a ti.

Minister Arjun Munda chuan remchang hmasa berah Mizorama zin a tum thu Rajya Sabha MP hi a hrilh a ni.