Gandhi limah zahna pangpar dah

Nimin October 2 kha India hnampa Mahatma Gandhi pian champha vawi 155-na a ni a, zing karah Governor Indra Sena Reddy Nallu leh Mizoram sorkar mi pawimawhte'n Pachhunga University College hmuna Mahatma Gandhi limah pangpar dahin zahna an lantir.

Governor, Legislative Assembly speaker Lalbiakzama, minister pali - Vanlalhlana, Lalthansanga, C Lalsawivunga leh Dr Vanlalthlana te, deputy speaker Lalfamkima, minister of state Prof. Lalnilawma, chief secretary Dr Renu Sharma leh sorkar hotu dangte'n pangpar an dah a ni.

Mahatma Gandhi lima zahna pangpar dah zawhah Governor hoin chuan Swachhata hi Seva (Cleanliness Drive) pualin PUC tual tihfai a ni bawk.

Gandhi pian champha October 2 hi United Nations chuan kum 2005 khan International Day of Non-Violence ah a lo puang tawh a ni.