MLA-in kuhva chingtute harsatna Horticulture Commissioner-ah thlen

Hachhek bialtu MLA Robert Romawia Royte chuan October 1, Thawhlehni khan New Delhi-ah sorkar laipuia Horticulture commi­ssioner Dr Prabhat Kumar a kâwm a; Mizorama kuhva chíngtute'n kuhva tám hri vanga harsatna an tawh dan leh kuhva hralhnaa harsatna an tawh dante a thlen.

Robert Romawia Royte ngenna angin, Hachhek biala kuhva chingtute harsatna zir chiang turin sorkar laipuia mithiamte tirh ngei a tum thu Dr Prabhat Kumar chuan a sawi. Sorkar laipuiin kuhva chin belh zel a khap nia sawi chu a dik leh dik loh Robert Romawia'n a zawhna chu Horticulture Commissioner chuan, khap a nih loh thu leh kuhva chu sum chang thlai pawimawh a nih thuin a chháng nia tarlan a ni.

Hachhek bialtu MLA hian Agriculture joint secretary (Horticulture) Prya Ranjan pawh a kâwm a, kuhva chingtute aiawha Kerala leh Karnataka zin dan turte leh thlai thar sawngbawlna chung­changte a sawipui a ni.