Mamitah HIV/AIDS dona kawngzawh

Mamit District AIDS Prevention Control Committee chuan nimin khan Intensive IEC Campaign 2024 - India Fights Against HIV/AIDS & STI pualin Mamit Field Veng aṭanga Chhimveng Hall thleng HIV/AIDS dona kawngzawh an huaihawt.

Kawngzawhah hian Mamit khawpuia zirna-in hrang hrang zirlaite an tel a, district bawrhsap Jacob Lalawmpuia'n a vailiam. Mithiamte'n HIV/AIDS chungchanga hriat tur pawimawhte leh inven dante an sawifiah a, intihsiakna hrang hrang lawmman sem a ni bawk.

Jacob Lalawmpuia chuan kalkhawmte chu HIV/AIDS do tur leh mipat hmeichhiatna, ruihhlo leh a kaihnawih lakah fihlim fihlim turin zirlaite a chah a, "Kristian kan nih ang pawhin khawvel thila kan inthiar fihlim a ṭul a, he natna do tur hian ṭan nasa taka kan lak tlan a ngai a ni," a ti a; HIV/AIDS-in ṭhalai, nu leh pa leh naupang thlengin a luhchhuah thu a sawi.