Pawl 6-in thisen unit 212 pe

October 5, Inrinni khan Mizoramah pawl parukin thisen unit 212 an pe. Civil Hospital, Aizawl tan Baptist Youth Federation-in unit 55 pein, petute mipa 43 leh hmeichhia 12 an ni a; T Romana College-in unit 27 pein petute mipa 17 leh hmeichhia 10 an ni. Hmunpui Students Union-in unit 22 pein, petute mipa 19 leh hmeichhia pathum an ni a; mimala pe (individual voluntary donor) mi 19 an awm bawk.

KṬP, Kulikawn Pastor Bialin ZMC Blood Bank tan thisen unit 55 an pe a, petute mipa 46 leh hmeichhia pakua an ni a; KṬP, Siaha Branch-in Siaha District Hospital tan unit 12 pein, petute mipa 10 leh hmeichhia pahnih an ni. ṬKP, Mampui Pastor Bial-in BCM Gilgal kohhran hall-ah Lawngtlai District Hospital tan unit 41 an pe a, petute mipa 34 leh hmeichhia pasarih an ni.