YMA leh KṬP-in ruihhlo ngaite vai

YMA, Bawngkawn Branch leh KṬP, Bawngkawn Branch ṭang dun chuan October 5, Inrinni khan an veng chhung­a ruihhlo ngai leh zuarte an vai a, mi 39 an hmu chhuak.

Bawngkawn YMA leh KṬP-te hian ruihhlo ngai leh zuarte an zawnnaa an hmuh mi 39-te chu mipa 32 leh hmeichhe pasarih an ni a; YMA Zawlbukah hruaiin, ei leh in tur an pe a, Pathian thu an hrilh bawk. Ruihhlo ngai ṭhenkhat chu home/centre-ah an dah a ni.

Central YMA president Lalhma-chhuana chuan Bawngkawn hi tlawhin, an hmalakna ṭha a tih thu a sawi a, "Bawng­kawn YMA leh KṬP hmalakna hi a entawn tlak a, chhunzawm zel chi a ni," a ti.

CYMA leh kohhran hrang hrang ṭhalai hruaitute chuan Mizorama ruihhlo ngai leh zuar an tam lutuk chungchang an lo sawiho tawh a, a theih ang anga thawhho ṭha an ti. Chumi bawhzui chuan Bawngkawn YMA leh KṬP-te hian hma an la a ni.