Kan tho chhuak leh dawn - MNF President

MNF chuan nimin khan an pisa-ah chhung inkhawm an hmang a, thusawitu MNF president Zoramthanga chuan an party chu an tho chhuah leh dawn thu a sawi.

MNF President chuan 'Pathian leh kan ram tan' tih thuthlunga ding tlat an nih thu sawiin, "Hei hi Pathianin kan felnaah min ruat saka. Pathian leh kan ram tan mipuite rawngbawl leh turin MNF hi kan tho chhuak leh dawn a ni," a ti.

Zoramthanga sawi danin, MNF sorkar lo awm tawhte khan Pathian malsawmna an dawng nasa hle. Peace bonus an dawng a, MINECO din te, Lunglei kawng sial te, Millennium Centre sak leh hmasawnna ruhrel lian an din tam hle. Tun dinhmunah MNF hi Mizorama political party awm mek zingah ruhrel lian ber leh mi nghet ngah ber an ni.

ZPM chungchang sawiin Zoramthanga chuan, "Sorkarna siam mek ZPM-te hian inthlan hmaa an intiam anga 'kan ti ang' an tih zawng zawng an ti lo a, 'kan ti lo ang' an tih zawng zawng an ti ta vek emawni tih mai tur a ni. Mipuiten kan zâwn hi Mauruangi ni loin Bingtaii zawk a ni tih kan hre chhuak mek,' a ti.