Sorkar tharah mipui thla a muang - ZPM President

ZPM chuan nimin khan an office-ah chhung inkhawm an hmang a, thusawitu ZPM president Lalliansawta chuan sorkar tharah mipuite thla a muang niin a sawi.

ZPM President chuan Pathian leh mipui zarah sorkarna an chang chho tih sawiin, "Zoram mipuite pawh an ngaih a ṭhain, sorkar tharah an thla a muang hle. Kan Party thil tum 'ram rorelnaa Pathian ram tun din' tih hi a pawimawh chho zel dawn,' a ti.

Sorkar kalphungah leh an party kal zel dan turah Pathian ram tungding tura hma kan lak chhoh zel a tul hle dawn thu Lalliansawta chuan a sawi.

Thusawitu dang, Education consultant Dr K Thanzauva chuan naupangte hriatna leh thiamna tak tak an neih theihna tura hmalak a pawimawh tih sawiin, "India ramah kan awm a, pawl 10 chin hi chuan Mizo, English leh Hindi ṭawng thiam tura kan zirtir hi a hun tawh hle," a ti.

Education Minister chuan kum 70 chhung national language atan India chuan Hindi a lo puang tawh tih sawiin, "Nimahsela kan naupangte hian Hindi hi an thiam lo em em maia, hei hi thil veiawm tak niin ka hria," a ti a, India rama kan awm chhung chuan Hindi hi a pawimawh chho zel dawn thu a sawi.