Sikulah tui in hun ni khatah ṭum hnih siam ṭhin tur a ni

Education Director chuan tunhnai khan circular ti chhuakin, Education department-in a enkawl sikulahte chuan sikul kai nia tui in hun ṭum hnih siam ṭhin tur a nih thu a tarlang. Hei hi zirlaite hriselna atana tih a ni.

Education Minister hoa meeting chuan sikul naupangte'n an hriselna atan tui in chin ṭhana an neih theihna atana hmalak ṭha tih a nih thu tarlangin Education Director chuan,"Education department hnuaia sikul zawng zawngah tui in hun siam tur a ni. Hemi atan hian vawi hnih aia tlem lo tui in dar vuain, naupang zawng zawngte tui in tir ṭhin tur," a ti.

Education Director chuan tui mamawh zat chungchangah mithiamte rawn a ni tih tarlangin, "Elementary school naupangte chuan nitin tui litre 1.5 vel an mamawha ngaih a ni a, high school leh higher secondary school naupangte chuan litre 2.5 vel an mamawha ngaih a ni," a ti a, tui an mamawh chanve tal sikulah in tir tum tur a nih thu a tarlang.