Luia nungcha leh sangha man khap

Governor Indra Sena Reddy Nallu chuan The Mizoram Fisheries Act, 2002 section 5(1) leh (2) behchhanin nimin October 10 aṭanga December 10, 2024 thleng luia nungcha leh sangha chi hrang hrangte man khap a nih thu a puang.

Governor chuan, luia nungcha leh sangha chi hrang hrangte an inthlahpun hun chhunga tih chhiat leh tihbuai an nih loh nan leh, him taka an inthlahpun theih nan October 10 - December 10, 2024 chu sangha leh nungcha man khapna hun atan a puang a, "Hemi hun chhung hian Nghalim, Nghadawl, Lengphar (Garra, Danio, Barillius sp) te man, tihhlum, an chenna leh nunphung tihbuai hi khap tlat a ni," a ti.