Kum upate tan awarness campaign

Regional Resource Training Centre (RRTC) for Senior Citizen, Mission Foundation Movement (MFM) chuan Ministry of Social Justice and Empowerment hmalakna hnuaiah nimin khan International Day of Older Person denchhenin Dawrpui Multipurpose Hall-ah Aizawla MUP unit hrang hrang member-te tan 'Empowering Senior Citizens on Digital Literacy & Health Support' an buatsaih.

He hunah hian Cyber Crime PS aṭangin inspector MS Dawngliana'n cyber crime leh a kaihhnawih thil pawimawhte a sawifiah a; MFM School of Nursing principal Christina Zothanpuii'n personal hygine leh mental health chungchang a sawifiah thung. Chawhnu lamah kum upate tan free clinic buatsaih niin, damdawi pawh a thlawna sem nghal a ni.