Serchhip district-ah ui khuahkhirh

Serchhip district magistrate Paul L Khuma chuan Serchhip district-a ui khuahkhirhna thupek a tichhuak a, "Ui vulh tuten an ui vulhte zun leh ek khawlaiah an hnutchhiah tur a ni lo," a ti.

Paul L Khuma chuan, midang tana harsatna siam zawng leh hnawksak zawnga ui vulh lo turin district mipui a hriattir a, "Ui vulhtuten khawlaiah an ui an chhuah zalen tur a ni lo a, khawlaia an chhuahpui dawnin hrui/chain rinawm ṭha taka hlingin an kai ngei tur a ni a, an khuahkhirh tur a ni. Khawlaia ui tla leh a nghawnga hrui/chain-a thlunna awm lote chu neitu awm lo anga ngaih a ni ang. Ui vulhtuten an ui vulhte zun leh ek khawlaiah an hnutchhiah tur a ni lo," a ti a, thupek zawm lote chu BNS, 2023 Section 223 hmanga hrem an nih dawn thu a tarlang.