BRO project 75 hawn a ni

Union Defence minister Rajnath Singh chuan October 12, Inrinni khan Sikkim aṭangin India rama state/union territory 11-a cheng vbc. 2,236 senna Border Road Organisation (BRO) project 75 a hawng a; Mizoram Governor Dr Hari Babu Kambhampati-a'n Raj Bhavan aṭangin biakhmuhna kaltlangin a chhim.

Defence Minister-in a hawn tak BRO project 75-te chu kawngpui 22, lei 51, helipad pakhat leh chenna hmun pakhat a ni a; Mizorama mi pakhat a tel. Project-te chu ram venhimna leh ramri dep hmun kilkhawr zawka inkalpawhna tihhmasawn nana ruahman a nih bakah, a vela chengte dinhmun chawikanna tura duan a ni.

Mizorama project chu - Lawngtlai-Diltlang-Parva kawnga Ngengpuilui chunga lei dawh a ni a, metre 125-a thui a ni. Ngengpuiluia lei dawh thar hi Parva leh a chhehvel Indo-Bangladesh leh Indo-Myanmar ramria inkal­pawhna ṭha zawk pe thei tura beisei a ni.

71 RCC BRO-in Ngengpui lei an dawh thar hi October 10, 2024 khan adviser to CM Dr Lorrain Lalpekliana Chinzah, MLA chuan a hmunah a lo hawng tawh a; lei paltlangtu Lawnglai - Parva kawng hi km. 160-a thui a ni.