Petrol, diesel leh gas Mizorama phurh luh a pangngai reng - FCSCA

Food, Civil Supplies & Consumer Affairs department chuan thuchhuah siamin, Mizoramah petrol, diesel leh eirawngbawlna gas-te mumal takin a rawn thleng reng tih an tarlang.

FCSCA department chuan, "Fûr ruahtui tam avangin kawngte'n duhthu a sâm lo a, kalkawngah a rawn phurtu motor-te an rawn thang rei deuh ṭhin. Mizorama rawn phurh luh leh a thlengte chu a pangngai reng," an ti.

Supply department chuan, mahni hmasiala mamawh zat aia tam petrol leh diesel latute avangin mipui tam zawk tan harsatna a thleng ṭhin tih tarlangin, "Ṭul loah petrol chàngin petrol pump-ah inchuh luai luaite a thlen phah a ni," an ti a; petrol, diesel leh eirawngbawlna gas-te inchuh buai a awm loh nan mahni mamawh ang chauh la turin mipui an ngen a ni.