MZP-in sorkar hnathawk pension tawh rawih nawn an duh lo

MZP executive committee October 12, Inrinnia ṭhukhawm chuan sorkar hnathawk pension tawh rawih nawn an duh lo tih an tarlang.

MZP tun hnaiah officer pension tawh rawih nawn leh pension tawh mai tur ruai nawn tura file kallai a awmin an hriat thu tarlangin, "Hei hi uluk taka chhuichian a, pension tawh rawih nawn a nih loh nan chak taka hmalak nise. Mizoram sorkar hnuaia hna thawk zingah pension tawh rawih nawn an awm fo ṭhin hi tunhma aṭangin ṭha kan tih loh thu kans sawi fo tawh ṭhin. Pension tawh rawih nawn a nih avanga, bang tura nawr pawh kan nei zauh zauh tawh," an ti.

Sorkar hnathawkte chu an hnathawh hun chhunga ṭhahnem ngai taka thawk tura ngenin MZP chuan, "An pension tawh hnuah erawh chuan ṭhalai hna zawng mekte kian turin kan duh," an ti a, officer pension tawh, thil tih theih fal bik avanga inrawih nawn ang chi a awm loh nan theihtawp chhuahin hma an la dawn tih an tarlang.

MZP chuan Zirlaite Ni chungchang pawh ngaihtuahin, Zirlaite Ni atana an puan October 27 chu Pathianni a nih avangin October 26 ah hman an rel a, he ni pual hian Aizawl khawpui chhungah ruihhlo do kawngzawh an buatsaih dawn.