Candidate 50 an awm dawn

November 5-a Sinlung Hills Council (SHC) inthlan lo awm turah bial 12 awmah candidate 50 an awm dawn.

SHC inthlan chuh tumin mi 50-in hming an pe lut a, hei hi endik fel a ni tawh. Hming pe lut zawng zawngte'n endikna an paltlang a, inhnuhdawh tumte tan vawiin chawhnu dar 3 thleng hun hawn a ni.

SHC inthlanah hian ZPM leh Hmar People’s Convention (HPC) an ṭangdun dawn a, ZPM-in bial 8 leh HPC-in bial 4 an chuh ang. MNF chu HPC (Reformed) nen ṭang dunin, MNF-in bial 10 leh HPC (R) in bial hnih an chuh dawn.

Congress Party chuan thawhpui an nei dawn lo a, bial 12-ah candidate an nei vek dawn.