Chhuanthar Futsal Hunpui

Minister PC Vanlalruata chuan October 12, Inrinni khan a bial chhunga Baktawngah 'Khuangchawi Thla Vangpui Chhuanthar Futsal Hunpui' a hawng a; tournament chhunga an hman atan futsal ball panga leh Rs 1,00,000 a hlân.

PC Vanlalruata chuan, kum thara tournament neih leh hunah chuan phûllem (artificial grass)-ah ngei an khelh theih tawh a beisei thu a sawi a, "Infiammite chuan hlawhtling turin mahni inthunun ṭhat te, taimak leh teirei peihna te, ṭhahnemngaihna leh tumruhna nen theihtawp an chhuah a ṭul," a ti.