'Horticulture for Youth' kalpui dawn

Horticulture director R Zotawna chuan, Mizo ṭhalaite tan Horticulture department-in hma thar lak an tum a, thupui atan 'Horticulture for Youth' tih an thlang tih a sawi.

Vanglaini palai zawh­na chhangin R Zo­tawna chuan, kumin aṭang hian ṭhalai leh­kha­thiam, thei leh thlai chìn lama tui, kut hnathawh hreh lote zawn chhuah a, eizawnna bul ṭansak an tum tih a sawi a, "Tlang­ram lo neih a hlawk lo a, thawh tam ang hûin an thar chhuak lo ṭhin. Chuvangin pang­par chauh ni lo, thei leh thlaite hi greenhouse hnuaia chîn a, hlawk taka thar theih vek a nih avangin ṭhalai bul ṭan duhte chu greenhouse leh a chìnna hmun tur ram tumsak kan tum a ni," a ti.

Horticulture director chuan, thei leh thlai enkawl kawnga tui leh eizawng duh ṭhalaite chu Horticulture department-ah inhriattir turin a ngen a; theihtawp an chhuahpui dawn tih a sawi.