NLUP kalpui chhunzawm dan tur sawiho

Chief minister Lal Thanhawla hoin nimin khan Chief Secretary conference room-ah sorkar mi pawimawhte'n NLUP chhunzawmna atana project pawimawh hrang hrangte an thlirho.

Meeting-ah hian UN agency hrang hrangte leh Sir Ratan TATA Trust-te nena NLUP hnuaia hmalakna kal mekte an sawiho.

NLUP hmanga ram hmasawnna hna kalpui chhunzawm zel turin agency tam zawk, North East Region Livelihood Project (NERLP), IFAD, JICA leh German Development Co-operation (KFW)-te nena thawhhona tur ruahmanna siamte chu chak taka bawhzui ni se, an ti.

State plan hnuaia Mizoram sorkar sum dinhmun leh Central sorkar sum kalphung (funding pattern) rawn siam thar thlir chungin, project kalpui chhunzawm tura ruahmanna kalpui dan tur pawh sawiho a ni a; sawihona aṭang­in ruahmanna chipchiar zawk duang tura meeting neih leh thuai an rel a ni.

Meeting-ah hian Finance minister Lal­sawta leh Planning Board vice chair­man H Liansailova-te pawh an tel a ni.