Mamit DC-in kawng chhia enfiah

Mamit DC Vanlalngaihsaka chuan Thawhṭanni tlai khan Mamit khawpui châwmtu Mamit Greater Supply Scheme hmanga tui lakna, Phaizau Pump House panna kawng siam ṭhat dan tur a enfiah. Kawng hi tun hnaia ruahsûr vangin hmun ṭhenkhatah a chhia a ni.

Vanlalngaihsaka chuan, pump house-a diesel khawl chu a chhia a, phai lama siam a ngaih avangin, phurh chhuah a nih theihna atan kawngpui siam thuai a ṭul thu a sawi a; kawngpui siam ṭhatna turin a rang thei ang bera estimate siam turin PHE department hotute a hrilh. Mamit DC hi PHE executive engineer Lalropuia Hmar leh DMR department hotute'n an ṭawiawm a ni.