Kelkang aṭanga bo zawng mek

29th April, 2015

Hrangliantawna (51), Zuangtui, Aizawl chu April 24, 2015 aṭang khan Kelkang aṭangin a bo a, zawn mek a ni.

Hrangliantawna hi Kelkang harhna chhim turin April 23-ah a kal a, April 24 zing dar 7 velah Kelkanga a thlen in aṭanga a chhuak chu tun thlengin a chin hriat a ni ta lo a ni.

Hrangliantawna hi nimin aṭang khan YMA sub-headquarters, Champhai ruahmanna angin YMA member-te'n an zawng a, YMA branch pariat aṭangin mi 800 vel an thawk chhuak. Vanhnuailiana group YMA-te pawhin an huam chhungah an zawng bawk. Vanhnuailiana hi ft. 5'4" vela sang a ni a, Kelkanga a thlen in a chhuahsan laiin jacket sen uk a ha a, sneaker pheikhawk var a bun a ni.