News Lawrkhawm

Pasalthate tuallenna

Rohmingliana Tochhong lehkhabu ziah, ‘Pasalṭhate tuallenna’ tih chu nimin khan PL Liandinga’n Aizawl Press Club-ah a tlangzarh. Lehkhabu hi Chawngtlai lal, Nikuala khaw pasalthate chanchin ziahna a ni a, Rs. 100 man a ni. Rohmingliana hian a lehkhabu hi MJA Public Library-a dah turin bu thum a pe nghal bawk.

Chaw nghei zel

April 27, 2015 aṭanga PRISM office-a chaw ngheia nuar RMSA hnuaia laboratory attendant leh clerk-te leh,SCERT Guidance and Counselling-a thawkte chuan chaw nghei an la chhunzawm zel a, chau chhe lutuk an la awm lo. Chaw nghei mekte hi mi 70 an ni a; an hna ngai thawhtir leh turin sorkar an phût a ni.