ASF vanga vawk thi leh suat 1,09,498; Kuminah vawk thi 13,889, suat 23,272

Vawk pùl hri, African Swine Fever (ASF) vangin kuminah district hrang hranga khua/veng 246-ah vawk 13,889 a thi tawh a, vawk 23,272 suat a ni tawh. Mizorama ASF hri a len tirh aṭanga nimin thleng khan vawk thi leh suat 1,09,498 a tling tawh.

AH&Vety department report-in a tarlan danin, kuminah January 1 aṭanga nimin October 14 thleng khan district hrang hranga khua/veng 246-ah ASF a lêng tawh a; ASF vangin kuminah vawk 13,889 thi tawhin, vawk suat 23,272 a ni tawh a, a vaiin vawk 37,161 a ni. Nimin bikah vawk 32 a thi a, vawk 76 suat a ni.

Mizoramah March 2021 khan Lunglei district-a Lungsen khuaah ASF a léng ṭan a, kum 2021 chhungin ASF vangin vawk 33,417 a thi a, vawk 12,568 suat a ni. Kum 2022 chhungin vawk 12,791 a thi a, vawk 11,594 suat a ni a; kum 2023 khan hri vangin vawk 1,039 a thi a, vawk 928 suat a ni bawk.

March 2021 aṭanga nimin thleng khan Mizorama ASF vanga vawk thi leh suat zawng zawng chu 1,09,498 a tling tawh a ni.