Petrol lt. 4,620 leh diesel lt. 4,400 man

Kawnpui police-te chuan an thu dawn bawhzuiin October 12, Inrinni khan truck pahnih aṭangin plastic bûra dah petrol litre 4,620 leh diesel litre 4,400 an man.

Kawnpui police-te hian Kolasib aṭanga chho SML tipper MZ-07 A-0024 leh truck AS-11 FC-2238 an lo enfiah a; plastic bura dah petrol litre 4,620 leh diesel litre 4,440 hmu chhuakin an man a ni. MZ-07 A-0024 hi Rorelliana, Kawlchaw ta niin, ama'n a khalh a; AS-11 FC-2238 chu Rorelliana'n man chawia a hman, hnam dang khalh a ni.

Rorelliana'n Kawnpui police-te a hrilh danin, petrol leh diesel hi ATS Filling Station, Kolasib aṭanga a lak a ni a, petrol litre khat Rs 104.66 leh diesel litre khat Rs 86.95-in a lei.

Kolasib DCSO thupekin petrol leh diesel-te chu October 13, Pathianni zan khan Kolasib-ah lak thlak a ni a, dan anga hmalak chhunzawm a ni.