SHC inthlanah candidate 49 an awm

Sinlung Hills Council (SHC) inthlanpui November 5, 2024-a neih turah candidate 49 an awm dawn. SHC-ah hian bial 12 a awm.

SHC inthlan chuh tura hming pek luhte chu October 11, 2024 khan endik a ni a, mi 50-in hming pe lutin, pawm vek a ni. October 14, Thawhṭanni tlai dar 3 thleng khan inhnuhdawhna hun hawn a ni a, BJP candidate pakhat a inhnuhdawh avangin candidate 49 an awm dawn ta a ni.

Sinlung Hills Council bial 12 zinga bial paruk chu Aizawl district chhunga mi a ni a, bial pali chu Saitual district-ah awmin, bial pahnih chu Kolasib district-a awm a ni thung.

Khawlian, Ṭinghmun leh Saipum bialahte candidate paruk ṭheuh an awm a; Phuaibuang bialah candidate panga, Suangpuilawn, New Vervek leh Saiphai bialah candidate pali ṭheuh leh, Vanbawng, Ratu, Sakawrdai South, Sakawrdai North leh Zohmun bialahte candidate pathum ṭheuh an awm.

SHC huam chhungah hian voter 23,794 an awm a, mipa 11,875 leh hmeichhia 11,914 an ni.