Saitual Bawrhsapin kawng siam mek enfiah

Saitual bawrhsap Dr Lalngura Tlau chuan nimin khan NHIDCL kawng laih mekin a paltlang Keifang kawngpui sira in leh lo nei eng emaw zat, laih remti lote a hmunah a enfiah.

Saitual Bawrhsap chuan mahni ram/in hmun lo ram (LSC) chinte chiang taka enfiaha, hrechiang ṭhin turin mipuite a chah a, "Zangnadawmna chungchanga buaina tam ber chu an ram area an hriat chian tawk loh vang a ni. Kawngpui a ṭhat chuan ram a changkang a, hmasawnna chak taka a kal theih nan harsatna siam loh a pawimawh. Keifang paltlang khua, district, state leh international boundary-te a awm avangin mi tam takin an chhawr ṭangkai kawngpui a ni a, a ṭhat thuai a ṭul a ni," a ti.

Sorkar thuchhuah tarlan danin, Saitual Bawrhsapin a enfiah zingah hian zangnadawmna lak tur zata lungawi lo te, zangnadawmna la tawh in la ṭhiat lo te, sorkar ram (road reserved)a in sate lehkawngpuiin a sut loh tura ngaih, tel leh site an tel.

Khaw chhung a in sa tam tak te’n sorkar ram kawngpui (road reserved) lam nekin pillar phunna aṭanga kawngpui lam nek zelin in hi sak a ni tlangpui a, hei hi a chhan ni bera lang chu LSC rules and regulation ah road reserved inziak hriat chian loh thin vang a ni. Highway chungchanga buaina tam zawk chu in leh lo rei tak lo din tawhte’n mahni ram emaw ti a road reserved-a in sa an nih ṭhin avangin sorkar lam hotute leh mipuite inkarah harsatna lo awm ta ṭhin a ni.