Minister-in Lungkhawdur a tlawh

Minister of state F Rodingliana chuan nimin khan a bial Lengteng huam chhunga awm, Vanchengpui khuaa Lungkhawdur a tlawh a, Lungkhawdur chu khualzin hîpna atana ṭha tak nia a hriat thu a sawi.

Khawtlang hruaitute nen an inkawmnaah F Rodingliana chuan, Lungkhawdur hmun chu hmun mak danglam bik, nasa zawka khualzin hîp thei tur nia a hriat thu a sawi a, "Ram pawn khualzinte mai bakah Zoram mipui tam zawkin an hmelhriat a, khualzin mi tam zawk a hîp theih nana rawn tlawh ka ni," a ti.

F Rodingliana chuan, Mizote'n Mizorama tourist site-te an ngaihhlut thiam a, an humhalh a, an enkawl ṭhat a ṭul thu a sawi a; Lungkhawdur pawh a hlutna hre chiang lehzual tur leh Pathian kutchhuak mawi leh hlu takte chu Mizoram mipuiin hlut nachang hriaa an tlawh tam a duh thu a sawi bawk.