Tobacco Youth Free Campaign 2.0 hawng

Siaha District Tobac-co Control Cell bultumin nimin khan khan DC mini conference hall-ah additional DC Abraham Beirazi Khithie hoin District Coordination Committee on Tobacco an ṭhu a; World No Tobacco Day puala buatsaih Tobacco Youth Free Campaign 2.0 hawn a ni.

Ṭhutkhawma tarlan danin, India ramah kum tin zûk leh hmuam vangin mi nuai 13 chuang an thi ṭhin a; India rama mipa cancer vei 48% leh hmeichhe cancer vei 16.5%-te chu vaihlo zûk leh hmuam vang a ni.

Tobacco Free Youth Campaign hi May 31, 2023 khan World No Tobacco Day pualin kalpui ṭan a ni a, tuna kalpui mek a thawh hnihna chu sorkar laipuia Health & Family Welfare minister of state Jadhav Prataprao Ganpatrao-in September 24, 2024 khan a hawng.

TYFC-in a tum ber chu vaihlo zûk leh hmuam ṭhat lohna a tam thei ang bera mipui hnena puanzar te, zûk leh hmuam chungchanga khauh zawka dan kenkawh te, zûk leh hmuam awm lohna khua siam leh social media hmanga zuk leh hmuamin hriselna a nghawng theih dan puanzarte a ni.