MSCW chairperson tur ruat thar

Mizoram sorkar chuan nimin khan Mizoram State Commission for Women (MSCW) chairperson atan C Zodinpuii d/o Lalrinliana (L), Durtlang a ruat. A term chhung tur chu kum thum chhung emaw, kum 65 a tlin thleng tur a ni a, a thleng hmasa zawk zawkah a chawl ang.

C Zodinpuii hi Directorate of Social Welfare & Tribal Affairs hnuaiah hna hrang hrang - case worker, remand home superintendent, Residential Institute Training Centre (RITC)-ahte a thawh hnuah, joint director a nih laiin December 31, 2023 khan sorkar hna aṭangin a pension a ni.

MSCW chairperson aṭanga C Lalchhandami, Ramhlun North-in September 7, 2024-a banna a thehluh hnuah chairperson pangngai an awm loa, C Zodinpuii hian chairperson nihna a rawn luah dawn ta a ni.