India Mobile Congress (IMC), 2024-ah ICT minister Dr Vanlalthlana a tel

India Mobile Congress (IMC), 2024 chu October 15, Thawhlehni khan New Delhi-a Bharat Mandapam-ah prime minister Narendra Modi-a'n hawngin , International Telecommunication Union buatsaih World Telecommunication Standardisation Assembly (WTSA) 2024 chu a hawng nghal a; Mizoram Information & Communication Technology (ICT) minister Dr Vanlalthlana pawh a tel.

He intawhkhawmah hian state leh UT tina IT minister-te chu tel tura sawm an ni a; telecom company lian te, smartphone siamtu company lian te, chip siamtu company-te bakah artificial intelligence (AI) startup-te'n an thil siam tharte an pho chhuak a ni.

India Mobile Congress hi ṭum riat hmanna niin, October 18, 2024 thleng a awh dawn a, hemi hun chhung hian sorkar leh corporate aṭanga mithiamten information & communication technology leh internet of things (IoT) thila India theihna leh hmasawnna tur hrang hrang an sawifiah anga, sawihona hun neih a ni dawn bawk.