Vigilance Awareness Campaign buatsaih a ni

ICFRE - Bamboo and Rattan Centre (ICFRE-BRC), chuan nimin khan an conference hall-ah Aizawl khawpuia state leh central sorkar hnuaia hnathawkte pualin 'Vigilance Awareness Campaign: Vigilance related Awareness for Govt. Servants' an buatsaih a; Anti Corruption Bureau (ACB) SP Lalbiakkila'n a telpui.

Campaig hi ICFRE-BRC head Sandeep Yadav-in a kaihruai a; Lalbiakkila chuan, "Sorkar hnathawk leh sorkar aṭanga hamṭhatna dawngtu zawng zawngte hian sorkar lakah tih tur leh mawhphurhna chi hrang hrang kan nei. Langtlang taka hna thawh a nih theih nan te, ṭha taka mawhphurhna hlen chhuak thei tura thawktu leh hnathawhte vilzui leh enzui a, eirukna do tlat hi Vigilance department-in a tum ber pakhat a ni," a ti a, sorkar hnathawkte awm dan tur leh mawhphurhna chi hrang hrang a tarlang.

He hunah hian sorkar department sawm bik 14 aṭangin sorkar hnathawk mi 24 an tel a ni.