Career Awareness Campaign for High School Students

State Council of Educational Research and Training (SCERT) bultumin nimin khan Mamit Chhim Veng YMA Hall-ah 'Career Awareness Campaign for High School Students' neih a ni a, district bawrhsap Jacob Lalawmpuia'n a hmanpui.

Jacob Lalwmpuia chuan, Mamit chu sorkar laipuiin district hnufual chawikan ngai (aspirational district) 115 a thlan zinga pakhat a nih thu leh hemi sector atana pawimawh chu zirna (education) a nih thu a sawi a, "Zirlaite'n an nuna an vawn reng tur thil pawimawh pahnih a awm a, pakhat chu lifeskills - nu leh pa thuawih leh aia upate zah a ni a, hemi tel lo chuan nun ṭha a neih theih loh a ni. Pahnihnaah chuan hrehawm tuar peih tura inbuatsaih a ni," a ti a, hlawhtling tura teirei peih turin zirlaite a chah.

He hun hi additional DPC Emmanuela'n kaihruaiin, SCERT mithiamten zirlaite tan a hriattur hrang hrang - carrer planning, vocational education/skill development, career in arts, science & commerce, entrepreneurship leh NTA chungchangte an sawifiah a; Mamit khawpuia high school paruk aṭangin zirlai 379 leh zirtirtute bakah, MZP hruaitute an tel a ni.