Bawng vulhtute tan training buatsaih a ni

AH &Vety department, Champhai district chuan nimin khan Hnahlan leh Khuangphah khuaa tual bawng vulh-tute tan Hnahlanah Rashtriya Gokul Mission kaltlangin 'Farmers’ Training on Upgradation of Indigeneous Cattlle' an buatsaih a; DAHVO Dr Lalbiakzuala Sailo-in kaihruaiin, AH&Vety deputy director (Cattle and Mithun Development) Dr B Lallawm-sanga'n thil pawimawhte a sawifiah.

Training-in a tum ber chu Hnahlan leh Khuangphah khuaa tual bawng vulhtuten an bawmh vulh aṭanga bawnghnute tam zawk leh bawng lian zawk an neih theih nana Artificial Insemination hmanga an bawng vulhte tihhmasawn a ni a; nimin vek khan Tualcheng leh Lungphulian khuaah District Vety Hospital, Champhaia Veterinary officer Dr PL Lalruatfela leh a thawhpuite'n ran vulhtute tlawhin, an ran vulhte hnenah ran ke leh ka natana laka venna damdawi, FMD vaccine an pe bawk.