Caregiver hna thawk duhte tan Awareness campaign buatsaih

Labour Employment Skill Development and Entrepreneurship (LESDE) department leh National Skill Development Corporation International (NSDCI) ṭangkawp chuan nimin khan Japan rama caregiver hna thawk duhte tan 'Awareness Seminar on Caregiver Program in Japan' an buatsaih a; B.Sc Nursing, GNM, ANM, GDA leh Geriatric caregiver course zirzo tawh leh zir mek mi 50 an tel.

LESDE manager Angela Zothanpuii chuan, LESDE department hmalaknain Japan ramah nurse 16 an thawh mek thu a sawi a, "Tunah hian Japanese ṭawng zir mek mi 40 chuang an awm," a ti a, ṭhalaite tana an hmalakna hrang hrang a tarlang.

NSDCI manager Sunny Kumar pawhin caregiver hna thawk tura interview leh admission tih dante a sawifiah bakah, kal khawmte zaw hrang hrang a chhang nghal bawk.

Seminar hi Sompo Care Inc, Japan aṭangin New Business Development in Asia Pacific manager Jin Enamoto leh Global Strategy senior leader Kazunari Honda-te'n an hmanpui a, an company chungchang leh India rama ṭhalai tam takte'n Japan rama eizawnna an neih theihna atana caregiver hnaruak an neih dan leh an thawh theih dan tur te, an nitin hnathawh dan tur leh hamṭhatna hrang hrang awm theite an sawi a ni.