MZP hruaitute'n scholarship chungchangah Ministry of Tribal Affairs hotute an dawr

MZP hruaitute chuan nimin khan scholarship chungchangah Ministry of Tribal Affairs-a scholarship hotute Delhi-a an pisaah an dawr.

MZP tarlan danin, Ministry of Tribal Affairs-a scholarship khawihtute hi zirlaite mamawh dan sawipuiin, pawisa release thuai tûrin an ngen. Scholarship sem hmabak aṭangin cheng vbc. 24 an sanction leh thuai dawn thu leh hei hian zirlaite mamawh zawng zawng a la daih dawn lo deuh tih an lo hrilh.

Mizoram zirlaite chanvo, tribal scholarship 2023-2024 hi vawi khat sem tawh a ni a, mi 6,000 velin dawng tawhin, cheng vbc. 7 vel sem ral tawh a ni. Pawisa sem bang chu sorkar laipuiin Mizoram sorkar a la pek loh avangin sem chhunzawm theih a ni lo.

Heng pawisate hi Mizoram SNA account-a a luhfel hunah, Mizoram Scholarship Board-in SMS leh PFMS leh thil ṭul hrang hrangte an buaipui chhunzawm ang. Zirlaite account-ah a luh thuai theih nan MZP chuan a enzui zel dawn a ni.