Inthlan ngaih lohna khua 13 awm Cong candidate 44 tling tawh

Vawiina village council inthlan turah chuhtu awm lohna khaw 13 leh reserved seat-a chuhtu awm lohna khaw pasarih a awm a, chungah chuan Indian National Congress (INC) candidate an tam ber. Chuhtu dang awm loa tlinga puan theih candidate 67 an awm a, chung zinga 44 chu INC candidate an ni.

Hmeichhe seat bik chuhtu an awm lohna khuate chu - Chhan­chhuahna Khawpui, Dilkhan, Rotlang West, Bawktlang, Tlangmawi, Hreichhuk leh Thing­thelh-te a ni. Reserved seat-a chuhtu dang awm lohnaa candidate-te chu INC candidate 17 leh independent candidate pahnih an ni.