Inven zirtirna kawngzawh neih a ni

Aizawl District Disaster Management Authority (DDMA) bultumin, nimin zing khan khuarêl chhiatna thlen thulha mipuite an inrálrin a, an invenhim thiam theihna tura inzirtirna atan Aizawl, Darlawn, Saitual leh Aibawkah sikul naupangte'n kawng an zawh.

Aizawlah chuan zirlaite hian zing dar 7:00 aṭangin Sikulpuikawn leh Chanmari aṭangin kawng an zawh a, Vanapa Hall kawtah an intâwk khawm. Kawngzawhnaah hian khuarel chhiatna chi hrang hrang laka inven him dan leh kawng chi hrang hranga mipuite inrálrin theihna tur zirtirna thu ziak chi hrang hrang pholan a nih bakah, thupui chi hrang hrang hmanga aurual a ni.

ADDMA zonal officer Daniel Sailo chuan, kawngzawh chu khuarel chhiatna thlen thulha mipui­te inven thiam theihna tura zirtirna a nih thu sawiin, "Tun hnaia chhiatna thlen laia mi ṭhenkhatte'n social media kaltlanga thu belhchian dâwl lo hmanga mipui an tichîâi kha a ṭha lo hle," a ti a; mithiamte pawhin lir­nghing hun tur leh a thlenna hmun tur an sawi lâwk theih loh thu a sawi.