Commissioner of Inquiry-in thu zawtfiah
Kolasib Supply Centre aṭanga dan loa buhfai ip 140 phurh chhuah a nih chungchangah, Commissioner of Inquiry Lalchhunga chuan nimin khan mi hrang hrang koin thu a zawtfiah.
Lalchhunga chuan buhfai tichingpentua puh, buhfai tihchingpen a nih laia Kolasib DCSO PL Zohmingliana, buhfai phurhna motor khalhtu, motor neitute leh buhfai tihchingpen a ni tih hmu chhuaktu Kolasib district MJA hruaitute ko. PL Zohmingliana aiawhin Supply department officer-te chuan thil nihphung nia an hriatte an sawi a ni.
Hetih lai hian, thubuai chhuitu dang Kolasib police-te chuan chargesheet tur an ziak mek a, V/C inthlan zawh veleh Court-ah thehluh an tum nia thu dawn a ni.
Tarlan tawh angin, buhfai tihchingpen thubuai avang hian PL Zohmingliana chu a hna aṭanga suspend a nih bakah, police-in an man a, bail-in a chhuak mek a ni.
909 truck MZ-05 9591 hmanga buhfai ip 140 phurh chu Kolasib leh Kawnpuia thuthar thehdarhtute'n ringhlelin, October 8, 2014 zan khan chhui chiang turin Kawnpui Police Station-ah FIR an thehlut a ni.