END-in Rs. 4,58,93,981 chhung lut

Excise & Narcotic department hotute chuan kum 2014-15 financial year chhung khan an department-in Mizoram sorkarah Rs. 4,58,93,981 a chhung lut tih an sawi.

END hotute sawi danin, sap zu aṭangin Rs. 2,70,87,186 an hmu a, an thil man neitute an chawitir tling khawm aṭangin Rs. 1,58,87,825, thil dang aṭangin Rs. 29,18,970 an hmu a; an hmuh zawng zawng chu Rs. 4,58,93,981 a ni.

END hian kum 2014-15 chhung vek khan zu litre 40,244 chuang an man a, zu bilh lai ṭin 76,979, dawidim kg. 40 chuang, foreign can beer can 12,460, lirthei chi hrang hrang 110 an man bawk.