Zirna a ṭhat theih dan tur sawiho

Mizoram Educational Foundation (MEF) chuan nimin khan Aizawla I&PR conference hall-ah 'Quality Education at the Pre-Primary and Ele­mentary Level' tih thupui hmangin workshop an buatsaih.

Workshop hi Aizawl Govt. College-a asso­ciate professor Dr Lalthan­sangi'n kai­hruaiin, MZU-a profes­sor Lahmasai Chuau­ngo chuan Quality Education at the Pre-Primary level tih chuan kum 6 chin hnuailam a huam thu sawiin, "He hun hi naupangte creativity level chherna hun ṭha a ni a, emotional level leh midangte nena nunho dan zirtir a pawimawh hunlai a ni," a ti a, pre primary level-te chu rei tak zirtirna pe loa, a kara infiamnate neihpui an ṭul tih a sawi.

Thusawitu dang MZU-a Education dept. zirtirtu Dr Lalbiakdiki Hnamte chuan Quality Edu­cation at the Elemen­tary tih thupui hmanga thu sawiin, "Quality tih hian anmahni thlen chin mila an zir chhuah ngei ngei tur an zir chhuah leh a bituk siam a kawk. School building leh hmanraw chi hrang hrang ṭha tawk te, darkar li/nga sikul kai chhung awmze nei taka hmante leh zirtirtu trained leh inpe zo neih a pawimawh hle," a ti.

Mizoram Educational Foundation hian chawhnu lamah conference an nei nghal a ni.