Kawng siam nawn turin ABCI phût

Hmarphei Zirlai Pawl (Serkhan-Bagha Road) leh MZP sub-head­quarters, Bilkhaw­thlir-te chuan thuchhuah siamin, Ser­khan-Bagha road siam mek chu an siam chhe hle niin an sawi a; kawng siamtu ABCI chu May 2015 chhung ngeia Sai­pum leh Saiphai inkar kawng siamṭha leh turin an phût.

Zirlai pawlte chuan, Ser­khan-Bagha road, inter­mediate lane tura siam hna thawh mek chu April 11, 2015-ah an enfiah a, kawng siam tawhte chu a chhe hle tih sawiin, Saipum leh Sai­phai inkar phei chu hmun tam takah a khawk chhe leh nasa tawh hle niin an sawi.

Zirlai pawlte chuan, April 24, 2015-ah ABCI office-ah an kal a, kawng chhe leh tawhte thlalak chu Sanjeev Jain-a entirin, thawm ṭha leh turin an ngen a, mahse Sanjeev Jain chua thlalakte chu a paih darh niin an sawi. Sanjeev Jain-a chet danah an lungawi loh thu sawiin, "May thla chhung ngeia Saipum-Saiphai inkar blacktop chhe lai zawng an siam ṭha leh lo a nih chuan, ABCI hna thawktute chungah eng harsatna pawh thleng se, Sanjeev Jain-a cho chhuah a ni ang," an ti.

Serkhan-Bagha road black­topping chhe lutuk chhui chiang turin ACB-ah FIR an thehlut dawn tih zirlai pawlte chuan an sawi.