Covid-19 dona atan bungrua Cheng nuai 1797 man lei tawh

Health & Family Welfare department chuan, Covid-19 dona atan bungrua leh hmanrua chi hrang hrang lei nan cheng nuai 1,797 an séng tawh.

Directorate of Health Services chuan bungraw chi hrang hrang 42 leina atan cheng nuai 577 an hmang a; Health & Medical Education directorate-in bungraw/hmanrua chi hrang hrang 38 lei nan cheng nuai 785 an séng tawh thung.

National Health Mission (NHM), AYUSH leh Zoram Medical College (ZMC) sum aṭangin bungrua lei ṭhin a ni bawk. NHM hnuaiah bungraw chi hrang 48 lei nan cheng nuai 369 hman a ni a, AYUSH aṭang­in bungraw chi 6 lei nan cheng nuai 37.19 hman niin, ZMC sum aṭangin cheng nuai 28.20 séngin bungraw pakhat lei a ni.