E&F atanga chawlhtir mi 263-te'n An hna zawmtir leh turin an ngen

Environment & Forest Department Contract Employee Welfare (E&FDCEW) chuan, Environment & Forest department-a contract-a thawk Forester leh Forest Guard mi 263-te chu March 31, 2015-ah an hna aṭanga chawlhtir an ni tih an tarlang a; a rang thei ang bera an hna zawm­tir leh turin thuneitute an ngen.

E&FDCEW chuan, E&F department-ah field staff indaih lohna nasa tak a awm a, post ruak hnawh­-khah loh 33% vel a awm nia sawiin, “Kan nun khaw­chhuah nana pawimawh em em, ram­­ngaw leh nungcha humhalh kawngah department-in harsatna lian tak a tawk mek a ni,” an ti.

E&FDCEW chuan, an hna aṭanga chawlh­tir an nih avangin an mang­an thu sawiin, ṭhenkhat chuan kum 10 dawn an hna chu chhung-2kaw chawmna atana an hman tawh thu an sawi.