Champhaiah thlai thar hralh sawiho

Champhai district bawrhsap VL Remliana kaihruaiin nimin khan DC conference hall-ah Bana Kaih Policy hnuaia thlai thar hralh chungchang sawihona, Sensitization-cum-Consultative Meeting neih a ni a; line department hotute leh Mizoram Agricultural Marketing Board (MAMB) member-te an tel .

VL Remliana chuan, ‘Ban a kaih’ Policy chu September 19, 2024 khan Chief Minister-in a tlangzarh thu leh department hotute chu zirchiang turin a ngen a; hlawkthlak taka policy hi kalpui a nih theih nan ṭan la ṭheuh turin a sawm a ni.

He hunah hian MAMB managing director Lalhmingmuana'n thlai thar hralh dan tur inkaihhruaina bakah, thlai chingtute aṭanga a leitute hnen a thlen dan tur te, a lakkhawmna hmun aṭanga hralh dan tur te, District Agricultural Marketing Committee (DAMC) mawhphurhna te leh thil ṭul dangte a sawifiah.