Mizoram Literature Festival 2024 khar
Mizoram Literature Festival 2024 chu nimin khan Aijal Club-ah khar a ni a; chawhma lamah minister Dr Vanlalthlana'n hmanpuiin, Sanjoy Hazarika, Prof. Margaret Ch Zama, Pratap Chhetri leh Samrat Choudhury-te buatsaih 'But I Am One of You: Belonging and Unbelonging' tih lehkhabu a tlangzarh. Chawhnu lamah minister of state Lalnghinglova Hmar-in a hmanpui thung.
He hunah hian Mmhonlumo Kikon, Yaiphaba Kangjam leh Ushinor Majumdar-ten military history & northeast tih thupui an sawi a; Dawngi Chawngthu, Zualteii Poonte, David Puig, Mamang Dai, Jerry Pinto, Shinie Antony leh Dr Lalnunsanga Ralte-ten an poem ziahte an chhiar.
Chawhnu lamah Prof. Margaret L Pachuau leh Jerry Pinto-ten thu lehlin (translation) pawimawhnate an sawi bakah, Speaking Tiger Books neitu Ravi Singh in publishing workshop a nei a, ṭhalai leh ziakmite mahni thuziak publish dan kawng a hrilhfiah.
Prof. Laltluangliana Khiangte pawhin 'Special Lecture on Mizo Literature and Language' tih thupui a sawi a ni.
Festival-ah hian Mizo literature leh education-a Padma Shri dawng tawhte chawimawina hun hman niin; Aijal Club Park-ah festival pual hian Mizo lemziak thiam - Mizoram Academy of Arts, S&S Gallery leh Boomat-ten an kuthnu a phochhuah bakah, ZoDar, Mizoram Handloom leh Tastebuds-ten dawr an hawng.